«Ала – Тоо» аянтында митинг болуп жатат...
Караколдогу баш аламандыктар үчүн жана Ысык-Көл облусунун губернатору Эмил Каптагаевди барымтага алууга күнөөлүү деп табылып 10 жылга соттолгон мурдагы депутат Садыр Жапаровду мөөнөтүнөн мурда бошотуу талабы менен пландалган митинг расмий башталды. Учурда аянтка 2000 миӊдей киши топтолду. Алардын башкы талабы экс- депутаттын эркиндиги. Мындан сырткары митингчилер чек ара, өкмөттү отставкага кетирүү жана коронавирус боюнча да бийликке талаптарды коюуда.
