Бишкекте бардык медициналык кызматты көрсөтө турган комплекстүү оорукана курулат

Бул тууралуу президент Сооронбай Жээнбеков Бишкек шаарында бейтаптарды кабыл алып жаткан күндүзгү стационарга барганда билдирди. 
 
«Стационарлардын өз убагында ачылганы жакшы, бирок стационарлар убактылуу объектилер, алар мындан аркы кырдаалга жараша иштейт. Азыр бизге комплекстүү заманбап клиника зарыл болуп турат. Мынай оорукананын жоктугу азыркы кырдаалда өзгөчө курч сезилүүдө. Мамлекеттик-жеке өнөктөштүктүн негизинде заманбап оорукана салуу үчүн каражат бөлүүгө кызыкдар инвесторлор бар. Бишкекте бардык медициналык кызмат көрсөтүүлөр болгондой комплекстүү клиника курабыз. Мындай заманбап ооруканалар бардык облустардын борборлорунда салынат. Азыр мэрия жер тилкесин карап жатат", — деди президент.