Жогорку Кеңештин Бюджет жана каржы боюнча комитетинин жыйынында депутат Айбек Алтынбеков: “Эркечтамда биздин жүктөр өтпөй жатат деп ишкерлер айтып жатышат. Бүгүнкү күндө көбүнчө “Абу-Сахий” фирмасынын жүктөрү эле өтүп жатыптыр”, - деп билдирди.
Мамлекеттик бажы кызматынын башчысы
Алтынбек Торутаев депутатка: “Мисалы, кечээги күндү айтып кетсем, тогуз машине чыкты. Анын бешөө Кыргызстанга импорттолгон, төртөө транзиттик жүк”, - деп жооп берип, транзиттик жүк кайсы фирманыкы экенин айткан жок.
Жакында эле кыргыз өкмөтү бажы тармагындагы коррупциялык схемаларды аты аталган «Абу-Сахий» компаниясынан гуманитардык жардам алган. Укук коргоо органдары «Азаттыктын» журналисттик иликтөөсүндөгү күмөндүү схемалар боюнча кылмыш ишти териштирип бүтө электе, өкмөт бул компаниядан ири суммада жардам алганы коомчулукта талкуу жараткан.
