Өлкөдө өзгөчө кырдаал режими жарыялангандан тарта жалпы кыргыз театрлары аралыктан иштөөгө өтүп, кызуу иш алып барышууда. Алар кыйчалыш учурда иштеп жаткан дарыгерлерге, күч органдары, деги эле жалпы жанын оозуна тиштеп, мекен үчүн иштеп жаткандарга арнап ырларды окушуп, элдин маанайын көтөрүү максатында эстафеталарыды уюштуруп, элге руханий азык тартуулап келишүүдө.
Ал эми май айынан тарта Улуу Жеңиштин 75 жылдыгынын урматына монологдорду, ырлары окушуп, элеси эч качан унутулбас баатырларды эскерип жатышат. Алардын мындай аракеттерин жалпы кыргыз эли колдоп, социалдык тармактар аркылуу жылуу пикирлерин калтырышууда.
