Бишкектеги "Ала-Тоо" кинотеатрында Маданият, маалымат, спорт жана жаштар саясаты министрлигине караштуу Кинематография департаменти жана “Тазар” кинокомпаниясы тарабынан тартылган
Темир Бирназаровдун "Табылга" тасмасынын бет ачары өттү.
Маданият министрлигинен билдиришкендей, бет ачарга министр Кайрат Иманалиев, маданият жана массалык маалымат каражаттарынын өкүлдөрү катышты.
Тасма 2020–жылы тартылган. Мазмуну коомдогу социалдык маанилүү теманы козгоп, жаш муунду адамдык сапатты, абийирди сактоого, ак ниеттүүлүккө жана кайрымдуулукка үндөйт. Башкы ролдордо Эгемберди Чалабаев, Сайра Момунбаева, Адина Бектурова жана Арнал Элдосов ойногон.
