«Кыргызфильм» киностудиясы Кинематография департаменти менен бирикти

Т.Океев атындагы «Кыргызфильм» улуттук киностудиясы Маданият, маалымат, спорт жана жаштар саясаты министрлигинин Кинематография департаментине берилди. Тиешелүү токтомго өкмөт башчы Улукбек Марипов 22-февралда кол койгон.

Киностудиянын башкаруу формасы мамлекеттик мекеме болгон. Ал эми толук аталышы — Маданият, маалымат, спорт жана жаштар саясаты министрлигинин Кинематография департаментинин «Т.Океев атындагы «Кыргызфильм» улуттук киностудиясы» мамлекеттик мекемеси.