Жылдыздар президентке "мектеп салып бериңиз" деп кайрылган Бекболот менен жолугушту

Президент Садыр Жапаровго "2 кабат мектеп салып бериңиз, мектебибиз жыл сайын көгөрүп кетет, быйыл да онлайн окуп жатабыз" деп кайрылып, интернет жылдызына айланган Бекболотко кыргыз эстрадасынын жылдыздары жолугушту.

Бекболоттун тилеги, ата-энеси, айылдагы мектеби, жашаган жери тууралуу билүү үчүн журналисттер атайын барып, өзүнөн интервью алышкан. Ал өз сөзүндө апасынан 3 жашында айрылганын, атасы экөө жалгыз жашайт экенин, мектебинин жыл сайын көгөрүп кете бергенин, кыргыз эстрадасынын жылдыздары менен жолуккусу келерин айткан. Жаш баланын тилегин ишке ашырып, жылдыздар жылуу кабыл алышууда. Ошондой эле президент Садыр Жапаров да үйүнө чакырганын жазышууда.