Бишкекте Эл акыны Элмирбек Иманалиев эскерилет

17-январь күнү Бишкекте атактуу төкмө акын Элмирбек Иманалиевдин туулган күнүнө карата эскерүү кечеси өтөт. Эгер анын көзү тирүү болгондо быйыл болгону 43 жашка чыкмак...Бул тууралуу анын шакирттери маалымдашты. 

Эскерүү кечеси Токтогул Сатылганов атындагы Кыргыз улуттук филармониясында өтүп, ага акындын шакирттери, төкмөлөр катышат. Мындан тышкары, Саламат Садыкова, Токтобек Асаналиев, Аскат Мусабеков, Улан Качкыналиев Элмирбек Иманалиевдин обондуу ырларын аткарышмакчы. Эскерүү иш-чарасы кечки саат 18:00дө баштала турганы айтылды.