Саната Жумакадырова: "Мелис Турганбаев менен кучакташкан кыз мен эмесмин!"

Таң атпай элдин маанайын көтөрүп, көп убакыттан бери КТРКнын "Замана" студиясында алып баруучу болуп эмгектенип келе жаткан Саната Жумакадырова жалган жалаа менен жаман атты кылып жаткандарга жооп берди. Анын айтымында ага "Мелис Турганбаев менен кучакташкан сен экенсиң" деген билдирүүлөр көп келе баштаган. Мындан улам расмий маалымат таратуу чечимине келген.

"Мелис Турганбаев менен кучакташкан сенсиң, ага секире берип бутуң качка алган экен деген билдирүүлөр карап турсам, көбөйгөндөн көбөйүп баратат. Айтаарым, эсиңерди жыйгыла, ал мен эмесмин. Ага окшошкон дагы жокмун. Мени каралап дайрекке кат жаза бергениңерди токтоткула! Анан дагы меникиндей сулуу буттар дүйнөдө жок" дейт алып баруучу.

Эске салсак, буга чейин  Турганбаевдин  жеке видеосу интернет айдыңын аралап кеткен.