Жалгыз бой эне Айгүл Чалованы чогуу жашоого чакырды

Карантин учурунда кимдер гана кыйналбай жатат дейсиз? Ушундай кыйын кырдаалда эл бири-бирине жардам берип жатканы жүрөк кубантпай койбойт. Ырчы Айгүл Чалованын "Кожоюнум батир акысын төлөбөсөң чыгып кет деп жатат" деген билдирүүсүнөн кийин ырчынын дарегине бир топ сөздөр айтылууда. Арасында жакшы каалоо-тилектерин айтып, керек болсо жаныма келип жаша дегендер да бар. Тактап айтканда фейсбук колдонуучуларынын бири өзүнүн жалгыз бой эне экенин, Нарын шаарында 2 бөлмөлүү батирде тураарын айтып, ырчы айымды чогуу жашоого чакырды.
 
"Нарында болсоң жаныма кел демекмин. Эки комната квартира экөөбүзгө толук жетмек. Мен дагы жалгыз бой энемин. Кичинекей уулум бар. Кааласаң кел. Нарындан деле жумуш тапсаң болот Айгүл" дейт фейсбук колдонуучуларынын бири.