Кыргызстанда дагы 13 адамдан жугуштуу вирус табылды

Кыргызстанда дагы 13 кишинин коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

"Үчөө Бишкекте, экөө Ош шаарында, Жалал-Абад облусунда төртөө, Баткенде экөө жана Нарын облусу менен Ош облусунда бирден киши катталды. Булардын арасында эки медицина кызматкери бар. Кыргызстан боюнча жалпы 769 учур болду", — деди Акматова.