Орозо 24-апрелде баштала турган болду

Кыргызстан мусулмандар дин башкармалыгы орозо 24-апрелде баштала турганын билдиришти.

Муфтият эл аралык астрономиялык обсерваториялардын тажрыйбасын пайдалануу менен жана коңшу Өзбекстан, Казакстан өлкөлөрүнүн Дин башкармалыктары менен кеңешкенден кийин ушул күндү тандап алышкан. 
⠀
"Шарияттын көрсөтмөлөрүнө жана изилдөөлөрдүн жыйынтыгына ылайык, Рамазан айы ушул жылдын 24-апрелинде башталат деген чечим кабыл алынды. Көрсөтүлгөн күн айдын чыгышына карап бир күнгө айырмаланышы мүмкүн", — дешти муфтияттан.

Эскерте кетели, муфтий Максатбек ажы Токтомушев ыйык Рамазан айы карантинге туш келерин айтып, үйдөн ооз ачууга, шартка байланыштуу эрежеге баш ийүүгө чакырган.