Коронавирус жуктурган дарыгерлердин саны 104кө чыкты

Тилекке каршы Кыргызстанда коронавирус жуктуруп алган дарыгерлердин саны күн санап өсүүдө. Бүгүн, 16-апрелдеги расмий маалыматка караганда жаман илдетке чалдыккан медицина кызматкерлеринин саны 104кө чыкты. Бул тууралуу КР Саламаттыкты сактоо министринин орун басары Нурболот Үсөнбаев брифинг учурунда билдирди.

Маалыматка ылайык, вирус жуктурган дарыгерлердин көбү Бишкек шаарынан катталууда. Тактап айтканда өткөн суткада 4 медицина кызматкери Бишкектен, 1 дарыгер Нарын шаарынан катталды.