Сабырбек Жумабеков бүгүн президент Жапаров менен жолугушат

 
Бүгүн, 11-февралда Бишкек травматология жана ортопедия илим изилдөө борборунун мурдагы директору Сабырбек Жумабеков президент Садыр Жапаров менен жолугушат. Бул тууралуу Жумабеков өзү билдирди.
 
11-февраль күнү эртең менен Саламаттыкты сактоо министринин орун басары Жапаркул Ташиев, Саламаттыкты сактоо министрлигинин юристи Азамат Жумакеев Клиникалык тез жардам ооруканасынын жаңы башкы дарыгери [мурдагы Бишкек травматология жана ортопедия илим изилдөө борборунун] Дамир Дүйшөновду жамаатка тааныштыруу үчүн ооруканага келишти.
 
Бишкек травматология жана ортопедия илим изилдөө борборунун мурдагы директору Сабырбек Жумабеков иш бөлмөсүндө кызматкерлер менен жолугушуу өткөрүп, андан соң президент Садыр Жапаров менен жолугаарын билдирди.
 
«Саат 10до президент менен жолугушуум бар. Жолугушуудан кийин чечимимди билдирем», - деди ал Саламаттыкты сактоо министрлигинин өкүлдөрүнө.