Коронавирус жуктуруп алган дарыгерлер кайтыш болуп калса, үй-бүлөсүнө 1 млн сом берилет

Вирустун очогунда иштеп жаткан дарыгерлерге жана  медицина мекемелеринин кызматкерлерине 200 миң сомдон төлөнөт. ЖЖаман айтпай жакшы жок, эгер жугуштуу вирустун запкысынан кайтыш болуп кетсе  алардын үй-бүлөсүнө 1 млн сом акчалай компенсация берүү жагы чечилди.
⠀
“Дарыгерлер апрель айында айлык акысын жана үстөк төлөмдөрүн мөөнөтүндө алышат”, – деп билдирди КР биринчи вице-премьер-министри Кубатбек Боронов.

Анын айтымында, марттын төлөмдөрү чындыгында кармалып берилүүдө. Бул кызматкерлер жөнүндө туура эмес маалыматтар берилип жаткандыгына байланыштуу болгон.
⠀
“Айрым региондордо коронавирусунун жайылышына каршы күрөшүүгө тартылган дарыгерлердин саны бурмаланып берилген. Кызматкерлердин саны атайылап көп айтылганы аныкталды. Бүгүнкү күндө бул кырдаал жөнгө салынды, бардык төлөмдөр убагында жүзөгө ашырылат”, – деп ишендирди Кубатбек Боронов.