Боомдо жол кырсыгына кабылган унаа өрттөнүп, үч адам жаракат алды

Боом капчыгайында жеңил унаанын айдоочусу рулду башкара албай калып, анын кесепетинен унаа тосмону сүзүп, күйүп кеткен. Бул тууралуу  бүгүн, 9-декабрда ӨКМдин басма сөз кызматы билдирди.
 
Ведомстводон билдиришкендей, Ауди С4 унаасында 5 адам болгон. Жол кырсыгы Бишкек - Нарын - Торугарт унаа жолунун 114-чакырымында, Кемин районунун аймагында болгон.
 
Кырсыктын кесепетинен 3 адам жабыркаган - 1946-жылы туулган М.К., 1985-жылы туулган М.М., 1986-жылы туулган О.Д. күйүк алган. Жабырлануучулар тез жардам унаасы менен ооруканага жеткирилген.