4-ноябрда жана 5-ноябрда түнкүсүн аба ырайынын кескин өзгөрүшү күтүлөт. Бул тууралуу Кыргызгидромет маалымдайт.
4-ноябрда көпчүлүк аймактарда мезгил-мезгили менен жаан жаап, өрөөндөрүндө жаан карга айланышы, тоо этектеринде жана тоолуу райондордо кар жаашы, кээ бир райондордо жаан-чачындын катуу жаашы күтүлөт. Тоолуу жолдордо муз тоңот жана жолдор тайгалак болот. Кээ бир жерлерде батыштан соккон шамалдын ылдамдыгы секундасына 15-20 метрге чейин жетет.
4-6-ноябрь аралыгында абанын температурасынын кескин төмөндөшү күтүлөт:
Чүй өрөөнүндө түнкүсүн -5…-10°, күндүз -2°…-7° суук,
Талас өрөөнүндө түнкүсүн -6…-11°, күндүз -3°…-8° суук,
- Ош, Жалал-Абад, Баткен облустарынын өрөөндөрүндө түнкүсүн -1…-6° суук, күндүз 0…5° суук болот,
Ысык-Көл ойдуңунда түнкүсүн -6…-11°, күндүз -1°…-6° чейин,
Нарын облусунун дыйканчылык аймактарында түнкүсүн -10... -15 градуска чейин, күндүз -2 градустан -7 градуска чейин жылуу,
Бийик тоолуу райондордо түнкүсүн -21...-26 градуска чейин, күндүз -10...-15 градуска чейин үшүк жүрөт.
