Министрлик Купешевге кылмыш иши козголду деген маалыматты четке какты

 КРнын Билим берүү жана илим министрлигинин басма сөз кызматы башкармалыктын башчысы Болотбек Купешевге кылмыш ишинин козголгону тууралуу маалыматты төгүндөдү.
 
Буга чейин жалпыга маалымдоо каражаттарынын биринде Билим берүү жана илим министрине карата УКМК кылмыш ишин козгогону тууралуу билдирүү тараган.
 
"Билим берүү жана илим министри Болотбек Купешевге кылмыш иши козголду деген маалымат чындыкка дал келбейт", - деп билдирди Билим берүү жана илим министрлигинин басма сөз кызматы.
 
Ошол эле учурда министрлик ММКларга атайылап жалган маалыматтарды чыгарбоого чакырды.