Кытайдын Цзя аймагы карантинге жабылды

Кытайдын Хэнань провинцаясындагы Цзя аймагы  кайра карантинге жабылды. Учурда аймакка кирип- чыгууга жана жарандардын үйдөн чыгуусуна тыюу салынды. Аталган аймактын карантинге жабылуусуна вирус жуктурган адамдардын катталганы себеп болгон. Илдетке чалдыккандар сырттан кирген жарандар экени тастыкталды – деп жазат Daily Mail басылмасы. 

Аймакта коомдук транспорт каттамдары жана такси кызматтары токтолуп, руксат кагазы жок жарандардын жумушка баруусуна да тыюу салынды.
 
Цзяда 570 адам жашайт. Маалыматка ылайык, жергиликтүү үч дарыгерден вирус жуктурганы аныкталган. 

Хэнань кытайдагы калкы көп аймак болуп саналат ал жакта 109 млн. ашык киши жашайт.