Оштогу мектептер мугалимдер 100 пайыз эмдөөдөн өткөндөн кийин гана ачылат

Жаңы окуу жылынын оффлайнда башталышынын ыктымалдуулугу мугалимдердин коронавируска каршы эмдөөдөн өткөнүнөн көз каранды. Бул тууралуу вице -мэр Эмил Шадыханов бүгүн, 12 -августта коллегияда айтты.
 
Анын айтымында, эгер жергиликтүү мугалимдер 100% эмдөөдөн өтсө, анда 15 -сентябрдан баштап мектептер кадимки режимде иштей баштаса болот.
 
«Эгерде жетекчилер мугалимдердин эмдөөдөн өтүүүсүн уюштурууга жардам берсе, мектептер эшигин ачат. Кечээ, коронавируска каршы күрөшүү боюнча республикалык штабдын жыйынында окуу жылы 15 -сентябрда башталаары айтылды. Себеби, көптөгөн мугалимдер эмдөөдөн өтө элек. Бул маселе Кыргыз Республикасынын Министрлер Кабинетинде каралууда. Ош шаарында мугалимдер коронавируска каршы эмдөөдөн өтүп жатышат, бирок башка региондордо мугалимдердин эмдөөдөн өтүшү төмөн болуп жатат», - деди Э.Шадышанов.