Бишкекте жол эрежесин бузгандарга каршы рейд жүрөт

 Бишкек шаардык милициясынын кайгуул кызмат башкармалыгы Бишкек шаарында жол эрежесин бузгандарга карата рейд жүргүзүлөрүн билдирди. Рейд учурунда эӊ алгач мас абалында унаа башкарган айдоочуларды аныктоо иштери жүрөт. Иш-чара бир канча күнгө созулат.
 
Маалыматка ылайык, жарым жыл ичинде Бишкек шаарында 1 291 жол кырсыгы катталган. Алты айдагы кырсыктан 1 643 адам жаракат алган. 
 
«Жол кырсыгынын көп катталып жатканына айдоочулардын унааны айдоо маданиятынын жоктугу жана жол эрежелери сакталбаганы себеп болууда»,- дейт башкармалык.