2-апрель: Кыргызстанда дагы 5 адамдан жаман вирус аныкталды

Тилекке каршы Кыргызстанда дагы 5 адамдан аты жаман вирус табылды. 2020-жылдын 2-апрелинде саат 09:00гө карата өлкөдө COVID-19 инфекциялык вирусу дагы беш кишиден табылды. Бул тууралуу Саламаттык сактоо министрлигинин коронавирустун алдын алуу штабынын жетекчисинин орун басары Касымбек Мамбетов билдирди.

Алардын экөө Ноокат районунда, бирөө Ош шаарында, экөө Баткендин Кызыл-Кыя шаарында катталган. Жалпысынан Кыргызстанда бул илдетке чалдыккандардын саны 116 киши болду. Алардын бешөө айыгып чыкты.