Бишкекте 27 бүтүрүүчү ЖРТнын алтын сертификатына ээ болду

Бишкек шаарынын 27 бүтүрүүчүсү ЖРТнын алтын сертификатына ээ болушту. Бул тууралуу шаардык муниципалитеттин басма сөз кызматы билдирди.

Анын айтымында, эң жогорку баллды (231) №26 гимназиянын бүтүрүүчүсү Алия Сарыгулова алды. Экинчи орунда №13 гимназия мектебинин окуучусу Медер Рахатбеков турат, ал 230 балл алган. Үчүнчүсү - №61 автордук физика-математикалык мектеп-лицейинен Адил Ахматеков (228 упай). Баса, бул билим берүү мекемеси эң жогорку балл алган сертификаттардын саны боюнча лидер - 13 бүтүрүүчү алды.

Алдын ала маалымат боюнча, жалпысынан эң жогорку упайларды республиканын 58 мектеп бүтүрүүчүлөрү алышкан. Өлкөдөгү эң жогорку көрсөткүч Каракол шаарындагы Хусейин Карасаев атындагы "Сапат" кыргыз-түрк лицейинин бүтүрүүчүсү Жайдар Нургазиевге таандык.