Казакстанда илдетке чалдыккандар айыгууда

Казакстанда 26 адам вирусту жеӊди. Нур-Султан шаарынан 16, Алматыдан 10 адам айыкканын коӊшу өлкөнүн илдет менен күрөшү штабы маалымат каражаттарына билдирди.  
 
Бүгүн, Алматы шаарындагы ооруканадан  илдеттен айыгып, үйүнө чыгарылган эки адамдын бири, Казакстанда биринчилерден болуп вирус жуктуруп алган бөбөк  экенин штаб кошумчалады. 
 
Акыркы маалыматка ылайык, Казакстанда вирус жуктуруп алгандардын саны 372 адамга жетти. Анын ичинен 26 айыгып, 3 адам каза тапты.