Мэрия коронавирус жуктуруп алгандарды жана алар менен байланышта болгондорду маалыматты жашырбай, ачык берүүсүн суранат. Бул тууралуу вице-мэр Виктория Мозгачева Бишкекте өткөн маалымат жыйынында билдирди.
«Борбор калаада коронавирусту жуктуруп алгандардын саны өсүүдө. Булар жарандар гана эмес, ошондой эле коноктор. Абал оор бойдон калууда. Жарандардан санитардык нормаларды сактап, убагында эмдөөдөн өтүүсүн суранабыз. Оорулуу адамдардан иштеген жерин жана байланыш тобун жашырбоону суранабыз. Тилекке каршы, адамдар бул маалыматты көп учурда жашыра башташты», - деди ал.
Эскерте кетсек, буга чейин шаар бийлиги 17-июндан баштап көңүл ачуучу жайлардын (түнкү клубдар, ресторандар, коомдук тамактануу пункттары, кафелер, караоке, барлар иш убактысын саат 23.00дөн 7.00гө чейин чектөө чечимин кабыл алган.
