Ош облусунда тергөөчү пара менен кармалды

 
Ош облусунда Кара-Суу РИИБинин тергөөчүсү УКМК кызматкерлери тарабынан пара талап кылгандыгы үчүн кармалды. Бул тууралуу аталган башкармалыктын басма сөз кызматы билдирди.
 
«Ош облусунун Кара-Суу районунун ички иштер бөлүмүнүн тергөөчүсү, милициянын ага лейтенанты Б.Г.И.  А.М.Адан 20 миң сом өлчөмүндө акча талап кылган. Ал Кара-Сууда кызды зордуктоого аракет кылган жарандын ишин кыскартуу үчүн 20 миң сом алып жаткан жеринен тергөөчү кармалды», - деп айтылат билдирүүдө.
 
8-июнда пара талап кылган тергөөчү пара алып жаткан жеринен кармалды. Кылмышка шектүү Ош шаары жана Ош облусу боюнча УКМКнын тергөө абагына киргизилген.