Бишкекте ысык суу 17-майда өчүрүлөт

     Бишкекте ысык суу 17-майда өчүрүлөт. Бул тууралуу Бишкек шаардык мэриянын басма сөз кызматы билдирди.
 
Анын айтымында, тиешелүү буйрукка Бишкек шаарынын мэринин милдетин аткаруучу Бактыбек Кудайбергенов кол койгон.
 
"Өчүрүү жылытуу тармактарын жана жылуулук керектөө тутумдарын жылытуу мезгилине сапаттуу жана өз убагында даярдоону камсыз кылуу максатында жыл сайын жүргүзүлүүчү профилактикалык иштер үчүн жүргүзүлүп жатат", - деп белгилешти муниципалитеттен.
 
Ысык суу менен камсыз кылууну калыбына келтирүү 17-июнга пландаштырылган.