Эң алгачкы коронавирус жуктурган аял тирүү

COVID-19 инфекциялык  вирусун эң биринчилерден болуп жуктурган Кытайдын Ухань шаарынын тургуну тирүү. Бул тууралуу кытай басылмалары жазып чыкты. Вирусту жуктурган жаран аял киши, ал шаардагы базарлардын биринде деңиз азыктарын сатып иштечү. 

Учурда аялга вирус кайсы жаныбардан жуккандыгы, ал азыктар кайсы жактан алынып келгендиги изилденүүдө. Аял качан оору жуктурганын жана кайсы жаныбардан жаман илдет жукканын так айта албай жатат. Себеби вирус адамдын денесинде бир топ күн эч кандай белги бербей эле жашай алат. Буга чейин вирус жарганаттан жукту деген божомолдор айтылып келген.