5-майга карата Кыргыз-Тажик чек арасында абал туруктуу

Ички иштер министринин биринчи орун басары Сүйүн Өмүрзаков Беткен облусунун чек арага чектеш аймактарында катталган фактыларды ыкчам жана мыйзам чегинде тергөөнү көзөмөлдөөдө. Бул тууралуу Ички иштер министрлигинин басма сөз кызматынан билдиришти.

Маалыматка ылайык, бүгүн, 5-майга карата Баткен облусунун Кыргыз-Тажик тилкесиндеги абал туруктуу.
"Бул аралыкта чек арага чектеш аймактарда түнкүсүн ок атышуулар менен башка окуялар катталган жок. Чек ара тилкелеринде милициянын атайын кайгуул топтору күнү- түнү күчөтүлгөн режимде кызмат өтөп, жергиликтүү тургундардын коопсуздугун ыктыярдуу элдик кошуундун мүчөлөрү менен биргеликте камсыздашууда", - деп айтылат маалыматта.