Тажиктерден качып баратып каналга түшүп кеткен 5 жаштагы наристенин өлүмү боюнча териштирүү башталды
- 03.05.2021, 16:28,
- Коом
- 0
Facebook
Вконтакте
Одноклассники
Google+
5 жаштагы Абидин Турсунбаевдин өлүмү боюнча териштирүү иши башталды. Бул тууралуу Баткен ОИИБинин басма сөз кызматы кабарлады.
Маалыматка ылайык, аталган кылмыш иши бүгүн, 3-майда Лейлек РИИБинин маалыматтардын электрондук журналына катталган.
"2021-жылдын 29-апрелинде Лейлек районунун Арка айылында тажик тараптан ок атылган учурда, ошол жердин жергиликтүү тургундары айылдан качып чыгышканда Арка-2 айылынын 2016-жылы туулган Абидин Турсунбаев аттуу тургуну айылдагы каналга түшүп кетип каза болгон.
Бул факты 2021-жылдын 3-май күнү Лейлек РИИБинин маалыматтардын электрондук журналына катталып, азыркы күндө текшерүү иштери жүрүп жатат", - дешти мекемеден.
