Чек арада каза болгон аскер 30 жашта болчу

Баткенде кыргыз-тажик чек арасында чыккан жаңжал учурунда каза болгон аскер Нарын облусунун Ак-Муз айылында туулган. Ал 30 жашта болчу. Бул тууралуу 30-апрелде "Азаттык" радиосуна агасы Амантур Кубанычбеков билдирди.
 
Анын айтымында, иниси Эсентур Кубанычбековду Баткенге Нарындан 13-апрелде жөнөтүшкөн. Командирлик кызматты аркалап жаткан жоокер 30-апрелге караган түнү каза болгону айтылды. Ал үч бир туугандын ортончусу болчу.

Анын сөөгү Бишкекке жөнөтүлгөнү айтылды.