Кечээ аскер бөлүмүнөн качып кеткен жоокер кайтып келди

Кечээ, 4-сентябрда №36806 аскер бөлүмүнөн качып кеткен жоокер бүгүн, 5-сентябрда кайра кайтып келди. Бул тууралуу Куралдуу күчтөрдүн Башкы штабы маалымдады. 
 
Маалыматка ылайык, качып кетип кайра келген жоокер жакынкы күндөрү кызматын аяктамак. Ал Оштогу аскер бөлүмүнө Чүй облусунун Ысык-Ата районунан чакырылган.
 
Учурда анын мындай кадамга барганын себеби иликтенүүдө. Жоокер менен Ош гарнизондук Аскер прокуратурасынын кызматкерлери иштеп жатканы айтылды.