Жалал-Абадда мектептер 1-майдан тартып аралыктан окууга өтүшөт

 Жалал-Абад облусунда эпидемиологиялык кырдаалга байланыштуу мектептер 1-майдан баштап аралыктан окутууга өтүүдө. Бул тууралуу шаардык мэриянын басма сөз кызматы билдирди.
 
Анын айтымында, бүгүн Жалал-Абад шаарында ыкчам штабдын жыйыны болуп, анда 9-11-класстар гана салттуу режимде окууну уланта турганы белгилүү болду. Мындай чектөөлөр көптөгөн мектеп окуучуларынын арасында COVID-19 инфекциясы менен ооруган учурлар аныкталгандыгына байланыштуу киргизилген. Бирок, жеке менчик мектептер ишин уланта беришет, бирок катуу көзөмөлгө алынат.