Бүгүн Кыргызстанга "Спутник V" вакцинасынын 20 миң дозасы келет

Кыргызстанга бүгүн россиялык "Спутник V" вакцинасынын 20 миң дозалык биринчи партиясы алып келинет. Бул тууралуу саламаттык сактоо министри Алымкадыр Бейшеналиев билдирди.

Кыргызстан жалпы жонунан бул препараттын бир миллион дозасын заказ кылган, анын 500 миңи гуманитардык жардам катары берилет.
Министрдин айтымында, бүгүнкү партиянын бир дозасы мамлекетке 10 доллардан айланды. Вакцина Бишкектеги "Манас" аэропортуна жеткирилет. 20 миң доза 10 миң адамга жетери айтылды.

"Учак бир рейсте 20 миң дозалык көлөмдөгү партияны гана жеткире алат. Препаратты "Аэрофлот" алып келет", — деди Бейшеналиев.