Нарын дарыясынан эркек кишинин жансыз денеси табылды
- 16.04.2021, 11:39,
- Коом
- 0
Facebook
Вконтакте
Одноклассники
Google+
Нарында дарыяга түшүп кетти делинип изделип жаткан эркек кишинин жансыз денеси табылды. Маалыматты облустук милициянын басма сөз кызматынан кабарлашты.
Белгилүү болгондой, 15-апрель күнү саат 17:50 чамасында Нарын шаарында бир киши сууга түшүп кетти деген билдирүү милиция бөлүмүнө түшкөн.
"Аталган билдирүү электрондук каттоого алынып, окуя болгон жерге ыкчам тергөө тобу барып, издөө иштери башталган. Издөө иштеринин жүрүшүндө түнкү саат 00:15 чамасында Нарын суусунун түндүк тарабынан белгисиз адамдын жансыз денесин табылды.Учурда маркумдун аты-жөнүн, жашын тактоо иштери жүргүзүлүп жатат", - деп кабарлашты мекемеден.
