Жогорку Кеңештин мурдагы депутаты Токтогул Туманов пневмониядан каза болду

 
Жогорку Кеңештин мурдагы депутаты Токтогул Туманов пневмониядан каза болду. Бул тууралуу Республикалык клиникалык жугуштуу оорулар ооруканасынын башкы дарыгери Гүлжигит Аалиев маалымат каражаттарына билдирди. 
 
 
Маалыматка ылайык, Туманов 1-апрелде ооруканага оор абалда жаткырылган. Ал пневмония болуп ооруп, үйүндө дарыланып, абалы оорлошкондо ооруканага барган. Дарыгерлердин аракетине карабай ал кечээ, 6-апрелде каза болгон. 
 
Эске салсак, Токтогул Туманов 2010-жылы Жогорку Кеңештин депутаты болуп шайланган.