Манасчы Дөөлөт Сыдыков Нооруз майрамына карата Ош шаарында кечээтен баштап «Манас» айтып жатат, иш-чара 3 күнгө чозулмакчы.
Бул тууралуу шаардык мэриянын маалымат кызматы билдирди. Кечээ, «Сулайман-Тоо» улуттук-археологиялык музейинде «Манас» айтуу алдындагы чакан салтанат болуп өттү. Ага Ош шаарынын иэри Эмил Шадыханов, музейдин директору Султан Абдрахманов жана маданияттын, маалымат каражаттарынын өкүлдөрү, шаар калкы катышты.
Белгилей кетсек, Дөөлөт Сыдыков 2020-жылдын 13-ноябрында Бишкек шаарынын борбордук «Ала-Тоо» аянтында 14 саат 27 мүнөт «Манас» айтып, Гиннестин рекорддор китебине кирген болчу.
