Кыргызстандын чек арасынан мыйзамсыз өтүүгө аракет кылган орусиялык жаран кармалды

 Улуттук коопсуздук мамлекеттик комитетинин Чүй облусу боюнча башкармалыгынын чек арачылары мамлекеттик чек араны мыйзамсыз кесип өткөндүгү үчүн Россиянын жаранын кармашты. Бул тууралуу УКМКнын Мамлекеттик чек ара кызматынын басма сөз кызматы билдирди.
 
Чек арачы нөөмөттө турганда, Казакстандан Кыргызстанга Чу дарыясы аркылуу өтүп бара жаткан жаранды көргөн. Чек арачылар мыйзам бузуучуну кармашты.
 
Сурамжылоонун жүрүшүндө кармалган адам 1989-жылы туулган Н.Г.Россиянын жараны экендиги аныкталды. Тиешелүү документтер толтурулгандан кийин кармалган адам кошумча иликтөө үчүн тиешелүү органдардын кызматкерлерине өткөрүлүп берилди.