Карапайым элдин канын ичкен "Пегас Ала-Тоо" курулуш компаниясы убалдан коркпойбу?

"Пегас Ала-Тоо" курулуш компаниясынын айланасындагы ызы-чуу азыркыга чейин токтой элек. Дегенибиз, аталган курулуш компаниясына кызылдай акчасын төлөп берип, мына-мына ижарага акча төлөбөй, өз үйүм, өлөң төшөгүмдө уктайм деп үмүттөнгөн элдин шаабайы буга чейин да сууп, сатып алган батири бир канча жылга чейин бүтпөй же бир эмес 2-3 адамга сатылып кеткенин угуп жакасын кармашкан. 

Мындай көрүнүштөр бир эле жолу болуп, ызы-чуу убагында чечилип калса бир жөн, алданып калып жаны кашайган кардарлар күн санап өсүп, акчасын кантип кайтарып алаарын билбей турган убагы. 

"Бул компаниядан үй алабыз деп акчабызды төлөп, үйдүн курулуш эч эле алдыга жылбай койгондо сатып алуучулар атайын WhatsApp группа ачып башаганда бир эле батирди 2-3 адам сатып алган учурлар кездешти. Айрымдары компаниядан акчасын өндүрүп алышты, кээ бирлер болсо же үйдөн же акчадан жок дале ушул көйгөй менен жүрөт" дейт сатып алуучулардын бири. 

Анын айтымында укук коргоо органдарына кайрылууларынан майнап чыкпай жатат...