Ошто окуучуну бычактап өлтүрүүгө шектелген өспүрүм кармалды

 Ош шаарында окуучуну бычактап өлтүрүүгө шектелген 17 жаштагы (К. уулу А.) кармалды. Бул тууралуу Ош шаардык ички иштер башкармалыгынын басма сөз кызматы билдирди.
 
Маалыматка ылайык, шектүү менен бирге окуя болгон учурда жанында болгон эки өспүрүм да кармалган.  Кармалган учурда шектүүнүн жанынан темир буюм табылган, ал жасаган күнөөсүн моюнуна алып, сурак берүүдө.
 
Сурак учурунда шектүү каза болгон жана жабыр тарткан балдар менен уруша кеткени үчүн жанында салып жүргөн бүктөмө бычагы менен сайып жиберген.