Кыргызстанда "үйлөрдү дезинфекциялайбыз" деген алдамчылар чыктыбы?

WhatsApp аркылуу "Кыргызстанда "үйлөрдү дезинфекциялайбыз" деп алдап кирип, уктатуучу дары чачып, үйлөрдү тоноп жатышат, беткап кийген кишилер үйүңүздү тазалап берели деп келдик десе ишенбегиле" деген билдирүү тарап жатат. Бирок ИИМ мындай факты менен кармалгандар азырынча каттала электигин айтты.

 Буга чейин Өзбекстанда дал ушундай шылтоо менен батирлерди тоноп кетип жаткан шылуундар бар экенин кабарлап, Өзбек Ички иштер башкармалыгы жарандарды үйдү дезинфекция кылуу шылтоосу менен келген чоочун кишилерди киргизбөөгө чакырган.