Түркиядан каржылоо сунушу түшкөн. Ошко жаңы аэропорт куруу демилгеленди
- 05.02.2021, 09:32,
- Коом
- 0
Facebook
Вконтакте
Одноклассники
Google+
Ош облусуна жаңы аэропорт куруу маселеси көтөрүлдү. Каржылоо түркиялык инвесторлор тарабынан болот. Бул тууралуу өкмөттүн облустагы өкүлчүлүгүнүн маалымат кызматы билдирди.
Аэропорт куруу үчүн Кара-Суу районунун Мады айыл аймагынан 10 гектар жер бөлүнгөн, бирок каражат маселеси чечилбей токтоп калган.
"
Буга чейин кытайлык жеке компания аба майданын куруу ниетин билдирген. Бирок стратегиялык мааниден улам колдоо тапкан эмес. Эми Түркия мамлекети тарабынан каржылоо сунушу түшкөн. Бул багытта сүйлөшүүлөр жүрүп жатат", — деп айтылат маалыматта.
Аэропорт куруу пландалган аянтка Ош облусунун башчысы Жарасул Абдураимов барып, жергиликтүү бийлик органдарынын жана тийиштүү кызматтардын жетекчилерине өкмөткө сунуш даярдоо тапшырмасын берген.
