Ош шаарында баӊгизат саткан аскер кызматкери кармалды

 
Ош шаарында баңгизат саткан аскер кызматкери кармалды. Бул тууралуу Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматы билдирди.
 
 «Ыкчам-иликтөө иш-чаралары Ош шаарынын бир нече даректеринде жүргүзүлдү. Аскер бөлүктөрүнүн биринин кызматкери баңгизаттарын таратуучу канал уюштургандыгы аныкталды. Натыйжада түштүк борбордо 30 жаштагы А. уулу Н. аттуу аскер кызматкери 27-январь күнү өсүмдүк тобундагы баңгизатты сатып жаткан учурда колго түшүрүлгөн. Соттук-химиялык экспертизанын корутундусуна ылайык, алынган зат 7 граммды түзгөн гашиш табылган», -деп айтылат маалыматта. 
 
 
Ошондой эле кармалган адамдын Ош жана Чүй облустарында, анын ичинде жазык-аткаруу тутумунун мекемелеринде жазасын өтөп жаткан соттолгондордун арасында баңгизаттарды таратууга катыштыгы бар экени белгиленди.
 
Учурда сотко чейинки иликтөө иштери жүргүзүлүп, бул  кылмышка тиешеси бар башка адамдар дагы аныкталып жатат.