Чыныбай Турсунбековго таандык «Акун» компаниясы коронавируска байланыштуу күчөтүлгөн иштөө тартибине өттү. ⠀
Ун өндүрүүгө катышкан ишкана кызматкерлери дем алыш күнү жок 24 сааттык иш режиминде, сатуу бөлүмү дем алыш күнсүз 14-16 сааттык режимде иштешет. Компания элди жеткиликтүү баадагы продукция менен камсыз кылуу үчүн бардык күчүн жумшайт.
Кырдаалдын курчтугун эске алуу менен, жарандарды туура эмес маалымат таратуудан алыс болууга чакырып, баалардын эч кандай көтөрүлбөгөндүгүн жана кайсы сорттогу ун канча сомдон экенин социалдык тармактардагы баракчалары аркылуу жарыялашты.
