Ош облустук ички иштер башкармалыгына жаңы жетекчи дайындалды

 
Жеңишбек Абидов Ош ОИИБнин убактылуу башчысы болуп дайындалды. Бул тууралуу облустук ички иштер башкармалыгынын басма сөз кызматы билдирди.
 
Маалыматка ылайык, 2020-жылдын 26-декабрында Кыргыз Республикасынын Ички иштер министринин биринчи орун басары, милициянын генерал-майору Сүйүнбек Өмүрзаков Ош облусунун Ички иштер башкармалыгынын башчысынын милдетин аткаруучу болуп дайындалган милициянын полковниги Абидов Жеңишбек Эсеналиевичти башкармалыктын өздүк курамы менен тааныштырды.
 
Ички иштер министрлигинин буйругу менен милициянын генерал-майору Малик Апсаматович Нурдинов ден-соолугуна байланыштуу  өзүнүн жазган арзынын негизинде Ош облустук ички иштер башкармалыгынын башчысы кызматынан бошотулду.