Кыргызстан коронавируска каршы 1,2 миллион доза вакцина ала турган болду

Кыргызстан коронавирустан коргогон 1 миллион 200 миң доза вакцина алууга буйрутма берди. Ал COVAX (Вакциналар боюнча глобалдык альянс) демилгесинин алкагында ишке ашарын өкмөттүн маалымат кызматы билдирди.

"Дүйнөлүк саламаттык сактоо уюму тарабынан жактырылган вакцинаны алгандан кийин өлкө калкынын 20 пайыздан ашыгын эмдөөгө болот", — деп айтылат билдирмеде.