COVID-19дан каза болгон 30 дарыгердин үй-бүлөсүнө кенемте төлөндү

Кыргызстанда коронавирус жуккан 608 медицина кызматкерге 200 миң сомдон кенемте төлөнүп берилди. Бул тууралуу 8-декабрда Саламаттык сактоо министрлигинин Коомдук саламаттыкты сактоо башкармалыгынын жетекчиси Айнура Акматова билдирди.

Андан тышкары COVID-19 вирусун жумуштан жугузуп алып каза болгон медицина кызматкерлеринин арасынан 30нун үй-бүлөсүнө 1 миллион сомдон кенемте төлөндү.

«Учурда дагы 148 саламаттыкты сактоо кызматкерине жана каза болгон эки медициналык кызматкердин үй-бүлөсүнө компенсация төлөө үчүн документтер даярдалууда», - деди Акматова.