Сутка ичинде 2 адам вирустан көз жумду. 119 бейтаптын абалы оор

Өткөн суткада коронавирустан эки адам каза тапты. Бул тууралуу Республикалык штаб маалымдады.
Билдирүүгө ылайык, көз жумгандардын бири Бишкек шаарынын, экинчиси Ош облусунун тургуну болгон.
Ушуну менен көз жумгандардын жалпы саны 1 277ге жетти.
Азыркы тапта ооруканада 2 651 бейтап дарыланып жатат. Анын ичинен 119 бейтаптын абалы өтө оор деп бааланууда.
Ооруканада жаткандар:

• 27 — канааттандырарлык абалда;
• 1 794 — орто оор;
• 711 — оор;
• 119 — өтө оор абалда.

Ал эми 3 600 бейтаптын медициналык жардамды үйлөрүнөн алып жатканы маалым болду.