Баласын сабаган өгөй ата колго түштү

Сокулук райондук ички иштер бөлүмүнүн кызматкерлери уулун сабаган өгөй атаны кармашты. Маалыматты  Чүй облустук ички иштер башкармалыгынын басма сөз кызматы тастыктады.

Эске салсак, 18-ноябрда борбордун Октябрь районунун ОВДсына Чүй облусунун Сокулук районунун тургуну 25 жаштагы А.Э. 2020-жылы 17-ноябрдан 18-ноябрга караган түнү саат 24:00 чамасында, үйүндө жатканда эч кандай себепсиз А.Р.нын жашы жете элек уулуна денесине залал келтирген күйөөсү 33 жаштагы А.Бга карата чара көрүүнү суранган. Сабалган бала 2014-жылы туулган.

Бул факт Кыргыз Республикасынын Кылмыш-жаза кодексинин 75-беренеси (Үй-бүлөлүк зомбулук) боюнча кылмыш иши ачылып, сотко чейинки өндүрүш башталды. Алган жаракаттарынын оордугун аныктоо үчүн балага экспертиза дайындалды.