Түндүк-түштүк альтернативдүү жолу качан курулуп бүтөөрү айтылды

Түндүк-түштүк альтернативдүү жолунун курулуш иштери 2023-жылы толук аяктаары күтүлүүдө. Бул тууралуу Азия өнүктүрүү банкынын инвестициялык долбоорлорун ишке ашыруу боюнча Министрликтин алдында түзүлгөн топтун мониторинг жана коомчулук менен байланыш түзүү боюнча адиси Тагай Алимбаев билдирди.

 Анын айтымында, жол куруу долбоору үч фазага бөлүнүп, иш 2014-жылы башталган.
"Биринчи фазанын ишин China Road and Bridge Corporation компаниясы аткарып жатат. Алар 125 чакырымдык жол менен 3800 метрге созулган тоннелди салышы керек. Учурда ишкана 117 чакырым жолду асфальттап, тоннелдин 2800 метрин бүтүрдү", — деди Алимбаев.